قصيدة اللي عارف ما يتعرف

قصيدة ّ: اللي عارف ما يتعرف
للشاعر : احمد بن عبدالحفيظ بن معط الله بلهول
اللّي عارف مـــــا يتعـــــــــــــــــــــرّف والحــــاذق عينه ميزانــــــــــــــــــــــــــــــــــــــــــــــــــه
واللّي يخبر لاش ايتلّـــــــــــــــــــــــــف فيه ذهنـــــــــه ويرعي باعيانــــــــــــــــــــــــــــــــــــــــه
واللي عارف ما يتوصّــــــــــــــــــــــــى عمره ما يرضــــــــــــــى بالخصّــــــــــــــــــــــــــــــــــــه
يبدى باهي لا من نصّــــــــــــــــــــــــه كيف يكمــــــــــــــــــــي ســـــــــــــــــرّه في اكنانــــــــــه
كثر حديثه راهو رخصــــــــــــــــــــــــه وبنــــادم عيبـــــــــــــــــــــــــــــــــــــه في لسانــــــــــــه
اللّي عارف تعرف شــــــــــــــــــــــــوره واشـــــــــــــــــــــــــواره تبدى مخبـــــــــــــــــــــــــورة
واللّي يعمل في المشكــــــــــــــــــــــــورة عرضه انظف من كتـــّـــــــــــــــــــــــــــــــــــــــــــــــانه
واللّي يعمل في المنكـــــــــــــــــــــــــورة لا يجعلنــــــــــــــــــــا من جيرانـــــــــــــــــــــــــــــــــه
والّلي عارف ما يغديـلـــــــــــــــــــــــــك وين تمشــــــــــــي يبدى يراعيلــــــــــــــــــــــــــــــــك
وين اتّطيح يجي ايشيلــــــــــــــــــــــــك ويهزّك ما بين احضــــــــــــــــــــــــــــــــــــــــــــــــانه
والخرشي ما يقرّش بجميلــــــــــــــــــك لا ينفــــــــــع خيره وديرانــــــــــــــــــــــــــــــــــــــه
واللّي عارف يبدى عـــــــــــــــــــــــارف لا يعملـّــــــــــــــــــــك شور مخــــــــــــــــــــــــــــالف
ويدلّك لاكانــــــــــــــــــــــــــــــك تالف ايورّيلـــــــــــــــــــــــك حجّــــــــــــة مبيانــــــــــــــه
اللّي اتلمّــــــــــــــــــــه لا يحب يوالـف تسريحــــــــــــــــه خير من وثقانــــــــــــــــــــــــــــــه
والّلي عارف تعرف قولــــــــــــــــــــــه عمـــــــــــــــــــــره لا يردّ المعيـــــــــــــــــــــــــــوله
من الصّـــــــــدق الناس ايميحولــــــــه ويحطّــــــــــــــــــــو عنـــــــــــــــــده الامانــــــــــــه
اللّي يردّ الــــــــــــــدّين ايثانولـــــــه دين اللــــــــــــــــي ما يخطــــــــــــى كتبانــــــــــــه
اللّي عارف ما يتــــــــــــــــــــــــــورّى زيّ الطّالـــــــــــــــــــــــب يبدى مقــــــــــــــــــــرّى
اللّي مـــــــــــا يخبرشــــــي يقصّ الجرّه غيــــــر يركــــــــــــــــح يقعــــــــــــــــــــد في امكانه
كثر مروقـــــــــــه بيه مضـــــــــــــــرّه يشقـــــــــــى وينـــــــــــول تعبــــــــــــــــــــــــانه
اللّي عارف مـــــــــــــــــــا يذهّبشــــــي تمشــــــــــي بنعتـــــــــــــــه وما تتعبشـــــــــــــي
اللّي يشــــــــــــــــــري وما يقلّبشـــــــــي في الحينــــــــــــــــــي ياقع ندمـــــــــــــــــــــــــانه
اللّي يلفظ ما يكذبشـــــــــــــــــــــــــــي وبنـــــــــــــــادم ربطــــــــــــــه من لســـــــــــــانه
اللّي عارف يبـــــــــــــدى بيّــــــــــــــن لايعملّـــــــــــــــــــك فعـــــــــــــــــــــل مشـــــيّن
كثر رفوعك فـيــــــــــــــــــــــــــه ايميّل ومقامــــــــــــــــــــــــه خيــــــــــــــــــــر من هزّانه
ثمّش لا كيّال ايكيـــــــــــــــــــــــــــــــل لعبـــــــــــــــــــــــار النّاقـــــــــــــــــــــــص صيعانه
اللّي عارف اعرف زيــــّــــــــــــــــــــــــــه لايرضى افعـــــــــــــــــــــــــــال الدونيـّـــــــــــــــــه
تبعــــــــــــــــك في الناس الخرشيّــــــــه زي ساقـــــــــــــــــــــي سبخة عطشانــــــــــــــــــــــه
لاتنبــــــــــــــــــــــــــــت عشبات طريه ولا زرع اللــــــــــــــــــي يعجــــــــــــــــــــــــب فدانه
قولو اللّي يغني يانـــــــــــــــــــــاس ايقد ّ باش عنــّـــــــــــــــــــــــــــــــــــــــــــه ما يعيّب حدّ
ايجيب كلام مصــــــــــــــــــــــــــــرهدّ كنّه مملـــــــــــــــــــــــــود بلكّانـــــــــــــــــــــــــه
بالشهــــــــــــــــــــــرة يكنّوني احمــــدّ المعطاللـــــــــــــــــــــــه الوالــــــــــــــــــــــد بابانه